អំពីអាស៊ាន សេវារកការងារធ្វើ
ប្រទេសកម្ពុជា គឺជាប្រទេសកំពុងអភិវឌ្ឍន៍ បន្ទាប់ពីឆ្លងកាត់ សង្គ្រាមជាងពីរទសវត្សកន្លងមកនេះ
ដែលបានបន្សល់ ទុកនូវការលំបាកមួយចំនួនដូចជា
កំរិតនៃការអប់រំទាប ភាពក្រីក្រ ជំលោះជាតិសាសន៍ ភាពមិនយោគយល់គ្នា៘
យើងឃើញមានប្រជាជនមួយចំនួនបាន ធ្វើចំណាកស្រុកចេញពីប្រទេសកម្ពុជា
ដើម្បីទៅរស់នៅ និង ស្វែងរកការងារ ការអប់រំ
ការបណ្តុះបណ្តាលវិជ្ជាជីវៈផ្សេងៗ នៅឯបរទេស។ នេះគឺដោយសារតែទីផ្សារការងាររបស់យើង
នៅមានកំរិត នៅឡើយ ហើយប្រព័ន្ធផ្សព្វផ្សាយក្នុងស្រុក
អំពីទីផ្សារការងារក៏នៅមានកំរិតដែរ។ លើសជាងនេះ
យើងឃើញថា មានប្រជាជនមួយចំនួនតូចបានធ្វើ ចំណាកស្រុកទៅធ្វើការនៅ បរទេសហើយជួបបញ្ហាផ្សេងៗដូចជា ៖
ក្លាយជាជនអន្តោប្រវេសន៍ គ្មានផ្ទះសំបែង ការចាប់រំលោភ
ការជួញដូរមនុស្ស ៘ ទាំងនេះដោះសារតែពួកគាត់គិតថា គាត់គ្មាន វិជ្ជាជីវៈអ្វីដើម្បីប្រកប
មុខរបរ រឺធ្វើការនៅក្រៅស្រុកខ្មែរទទួលបានប្រាក់កំរៃខ្ពស់។
អាស្រ័យហេតុនេះ
អាស៊ាន សេវារកការងារធ្វើ កំពុងតែផ្តោតយកចិត្តទុកដាក់ យ៉ាងខ្លាំងក្នុងការកែលំអរផ្
តល់ដំណោះស្រាយឱ្យកាន់តែប្រសើរឡើង និងបង្កើនប្រសិទ្ធភាព
ក្នុងការអប់រំបណ្តុះបណ្តាលវិជ្ជាជីវៈ និងទីផ្សារ ការងារជូនប្រជាពលរដ្ឋទូទាំងប្រទេស ក្នុងគោលបំណងចូលរួមចំណែកក្នុងការជំរុញកំណើនសេដ្ឋកិច្ច
ជាពិសេសការកាត់ បន្ថយភាពក្រីក្រ
ដោយអនុលោមតាមគោលនយោបាយរបស់រាជរដ្ឋាភិបាលកម្ពុជា ដែលមាន សម្តេចអគ្គមហា
សេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាប្រមុខ។
ដើម្បីផ្តល់សេវាអប់រំបណ្តុះបណ្តាលវិជ្ជាជីវៈ
ពត៌មានទីផ្សារការងារ និងស្វែងរកការងារ
ជូនប្រជាពលរដ្ឋនៅក្នុង ព្រះរាជាណាចក្រកម្ពុជា ឱ្យមានគុណភាព
ប្រសិទ្ធភាព តំលៃសមរម្យ ឆាប់រហ័ស អាចជឿ ទុកចិត្តបាន អាស៊ាន សេវារកការងារធ្វើ នឹងផ្តល់ការអប់រំបណ្តុះបណ្តាល
វិជ្ជាជីវៈ និង ស្វែងរកការងារសំរាប់កម្មករ
កម្មការិនី សិស្ស និស្សិត អ្នកបាត់បង់ការងារ អ្នកគ្មានការងារធ្វើ
និងប្រជាពលរដ្ឋទូទៅ។
ប្រការ១- ៈ ឈ្មោះ
ជាអក្សរខ្មែរ “អាស៊ាន
សេវារកការងារធ្វើ ” អក្សរកាត់
ជាភាសាអង់គ្លេស “ASIAN EMPLOYMENT
CORPORATION” (AEC)។
ប្រការ២- ៈ ទីស្នាក់ការ
ផ្ទះលេខ ១១៥ ភូមិវិហារចិន សង្កាត់ស្វាយដង្គំ
ក្រុងសៀមរាប ខេត្តសៀមរាប ។
ទូរស័ព្ទទំនាក់ទំនង ៈ 012 954 100
ប្រការ៣- ៈ អត្តសញ្ញាណ
អាស៊ាន សេវារកការងារធ្វើ ជាស្ថាប័នមិនមែនរដ្ឋាភិបាល
មិនស្វែងរក ផលចំណេញជា ឯកជន អព្យាក្រឹត្យ
មិនប្រកាន់សាសនា មិនប្រកាន់ពូជសាសន៍ មិនប្រកាន់ និន្នាការនយោបាយ
មិនធ្វើនយោបាយ មិនធ្វើជា ឧបករណ៍នយោបាយ ក្នុងនោះមានរួមទាំងមិនផ្តល់មធ្យោបាយ
ជា ៖ សម្ភារៈ ហិរញ្ញវត្ថុ ធនធានមនុស្ស ដើម្បីគាំទ្រ
គណបក្សនយោបាយ ឬបេក្ខជន ឬអ្នក គាំទ្រណាមួយទ្បើយ ប៉ុន្តែគឺជាអង្គការបំរើអោយ
ផលប្រយោជន៍សាធារណៈ ។
ប្រការ៤- ៈ សវតា
អាស៊ាន
សេវារកការងារធ្វើ មានឈ្មោះពេញជាភាសាខ្មែរ អាស៊ាន សេវារកការងារធ្វើ
និងជាភាសាអង់គ្លេសថា ASIAN EMPLOYMENT CORPORATION ។
អាស៊ាន សេវារកការងារធ្វើ ត្រូវបានបង្កើតឡើង
ដោយក្រុមបុគ្គលិក ស័គ្រចិត្តនៃ អង្គការ
សង្គមសេដ្ឋកិច្ចកម្ពុជា នៅថ្ងៃទី 15 ខែ កញ្ញា ឆ្នាំ 2012។ អាស៊ាន សេវារកការងារធ្វើ នេះ បង្កើតឡើងក្នុងគោលបំណង
រួមចំណែក ដ៏តូចមួយ ក្មង្នុការកែប្រែចំណុចអវិជ្ជមានខ្លះៗ
និង អភិវឌ្ឍន៍ឱ្យកាន់តែ ប្រសើរឡើងទៅតាមសមត្ថភាព
និង លទ្ធភាព ដែលមានទៅលើស្ថានភាពដែលយុវជន កុមារា កុមារី
កម្មករ កម្មការិនី សិស្ស និស្សិត អ្នកបាត់បង់ការងារ និង អ្នកគ្មានការងារធ្វើ
ក៏ដូចជាសង្គមជាតិកំពុងជួបប្រទះ។ អាស៊ាន សេវារកការងារធ្វើ
មិនមាន ទំនាក់ទំនង ឬ បំរើផលប្រយោជន៍ឱ្យ គណបក្សនយោបាយ ឬសាសនាណាមួយឡើយ
។អាស៊ាន សេវារកការងារធ្វើ សំដៅផ្ទេរ ចំណេះដឹងដល់យុវជនជំនាន់ក្រោយនូវ
ចំណុចខ្វះខាត ព្រមទាំងលុបបំបាត់ភាពគ្មានការងារ
របស់ពួកគេ ដើម្បីពួកគេអាច ស្វែងយល់ពីសង្គមរបស់ខ្លួន ពីសារៈសំខាន់របស់ពួកគេក្នុងការចូលរួមអភិវឌ្ឍន៍សង្គម
និង អាចក្លាយខ្លួនជាសរសរទ្រូងក្នុង
ការអភិវឌ្ឍន៍សង្គមជាតិ ។